MAZMUR 17:9 - Alkitab Singog In Mongondow Masa In Tanaa

⁹ nongkon ponubuan in intau moraat. Akuoi in kinopung in musung inta moibog moḻimod kon inakó;

MAZMUR 17:9 ပူးပေါင်းရင်းမြစ်များ

TAWARIKH 1 17:9

Umat-Ku Israel in pinosadiaan-Kudon kon tampat inta mobaḻí butá monia sinbá mosia in mobiagdon mopia bo diádon tuyayowon bui. Pinangkoi kon kinoangoian monia kon butá tanaa, koḻipod, bo kon dodai in mosia diápa in datu, mosia in sinubu in intau mita inta moibog in aid motogat. Táe tua in diá bidon mobaḻí bui. Akuoi in modandi kon monaḷowbí kon bayongan in musungmu, bo Akuoi in mobogoibí in buí kon inimu.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 35:4

Biódon mako in intau inta moibog moḻimod kon inakó taḷowon bo pokopooyáanmai. Biódon mako in intau inta noyopakat monayow kon inakó umundok takin motoboḻingo.

MAZMUR 35:7

Diábí in mangaḻenea pinotaanan monia kon poyogaḷap kon inakó andeka mongaḻi kon bubú sin podomokan kon inakó.

SAMUEL 1 23:26

Ki Saul bo tontaranea in minayá nongin bingkí in buḷud toḷosi bokaka tai Daud takin intaunea mita in kon bingkí kon dotá intua. Ki Daud iḻimikat in noḷagui kon i Saul inta nomangkoidon nongopung sin modomok kon i monia.

SAMUEL 1 24:11

Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.