MAZMUR 17:12 - Alkitab Singog In Mongondow Masa In Tanaa

¹² Mosia in naonda bo singa inta modomok kon kokaanonnea, singa batánea inta moḷabot nongkon tampat moiadop.

MAZMUR 17:12 ပူးပေါင်းရင်းမြစ်များ

MAZMUR 22:13

Naonda bo paanan in bantong, musung noḻipung kon inakó, naonda bo bantong kaḻig nongkon Basan mosia in nongopung kon inakó.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.