MAZMUR 16:3 - Alkitab Singog In Mongondow Masa In Tanaa

³ Ihoromatku in intau mita motusi kon butá tanaa; inta mokosanang kon ginaku in mogutunbí takin i monia.

MAZMUR 16:3 ပူးပေါင်းရင်းမြစ်များ

TAWARIKH 2 6:41

Sindogpa kaasí in tanaa mako, o Tuhan Allah! Bo moyotakin in Poti Dodandian inta nobaḻí tomponuot kon kawasa-Mu intua dá igumon mako tumuotdon in Iko kon Baḷoi-Mu tanaa bo mogutun kon naa moidapot in mononoi. Barakataipa in bayongan in oaidan in imang-Mu mita, bo poigumon mako bayongan in umat-Mu moḷunganga in gina popisí in Iko in mopia kon i monia.

MAZMUR 101:6

Koibogku in intau inta motoḷutui kon i Allah; mosia in motaaubí in mogutun kon baḷoiku. Intau inta mobiag diá in bogit in motaau mobantung kon inakó.

MAZMUR 116:15

Ki Tuhan in totok in motabi kon kopatoian in intau inta kinotabi-Nea.

MAZMUR 119:63

Akuoi in noyobayat in bayongan in intau inta motoguondok, bayongan in intau inta nogaid kon parenta-Mu,

MAZMUR 122:8

Popisí in inanakan bo yobayatku akuoi in moguman, “Igumon mako iko in mobiag motompia!”

MAZMUR 30:4

Iko in nopomiḷagui kon inakó nongkon dunia in intau minatoi, bo nomiag bui kon inakó nongkon sigad in intau mita minatoi.

AMSAL 12:26

Intau mopia in mopia-pia in kobiagannea nongkon topodiugnea; intau moraat moiḷaḻe popisí in aidnea moraat.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 8:31

Akuoi in nobarasanang kon tudu in butá-Nea, bo moḷunganga totok kon sigad in intau.

DONDONG MOḶANTUD 7:10

Akuoi in kapunyaan i batoḷ in dodobku, sia in moibog kon inakó.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

EPESUS 1:1

Umat i Allah kon Epesus, inta motoindudui kon i Kristus Yesus!

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.