MAZMUR 149:5 - Alkitab Singog In Mongondow Masa In Tanaa

⁵ Biódon mako in umat i Allah in mopia in gina popisí in koḷoḷoben in kawasa-Nea, bo modondong takin ḷunganga in gina kinoouput in doḷom.

MAZMUR 149:5 ပူးပေါင်းရင်းမြစ်များ

SAMUEL 2 6:15

Natuata in nobaḻí ki Daud bo bayongan in rayat in Israel nomamping kon Poti in Dodandian tatua kon Yerusalem, sinakinan in giow bo singog in torompet.

AYUB 35:10

Táe deemanbí kon i Allah, inta nomaḻí kon inia inta nobogoi in kamang kon dodai in morobonod in gina,

MAZMUR 118:15

Indongogaidon in giow kinountungan kon ḷoḷaigan mita in umat-Nea, “Ki Tuhan in nopoontongdon in kotorindog-Nea!

MAZMUR 132:16

Imangnea mita in mopoontongbí in kasaḷamatan nongkon i-Nakó; umatnea in modondongbí bo monggiow pia in gina.

MAZMUR 145:10

Bayongan inta binaḻí-Mu in modayowbí kon ini-Mu, o Tuhan, bayongan in umat in mopoyaputbí in sukur kon ini-Mu.

MAZMUR 23:1

Mazmur i Daud. Ki Tuhan in gombalaku, diábí in diá kon inakó.

MAZMUR 92:2

Totuubí kon mopia in mopoyaput in sukur kon ini-Mu, o Tuhan, bo modayow kon ini-Mu, Allah Inta Totok in moḷantud;

DANIEL 7:22

Onda intua Sia inta mononoi tatua namangoi bo nobogoi in kaputusan inta nopobanar umat i Allah Inta Totok in moḷantud. Noiyaputdon in wakutunea mosia in motarima kon kawasa sin momarenta.

SURAT I PAULUS KON JAMAAT RUM 5:2

Popisí in kita mopirisaya kon i Yesus, dá inogoian-Nea in kasampatan in kita motarima kon tabi i Allah, bo totabi tatua in mokobiag kon i naton tanaa mako. Tuamai moḷunganga totok in gina naton sin oyúon in harapan naton mokoalami kon kobiagan mopia inta inogoi i Allah!

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.