MAZMUR 147:9 - Alkitab Singog In Mongondow Masa In Tanaa

⁹ Sia in nopokaan kon bobiagon, bo kon adí in ḷagapan kawag inta kumarakmai mogoiní.

MAZMUR 147:9 ပူးပေါင်းရင်းမြစ်များ

KINOBAḺIAN 6:21

Podia doman kon bayongan kokaanon monimu bo kaanon in bayongan mahaḷuk tatua.”

AYUB 38:41

Ki ine in motuḷung kon ḷagapan kawag inta gogoyon bo inta ḷumayug magí-mako motayak kon kaanon? Ki ine doman in motuḷung aka ki adínea mita momaḷú kon i-Nakó moigum kon kaanon?

MAZMUR 136:25

Kon batúan in inta nobiag inogoian-Nea in kaanon; tabi-Nea in umuran mononoi.

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

LUKAS 12:24

Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!