MAZMUR 147:11 - Alkitab Singog In Mongondow Masa In Tanaa

¹¹ Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 147:11 ပူးပေါင်းရင်းမြစ်များ

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 33:22

Igumon mako kami umuran kotabi-Mu, o Tuhan, sin kami in mongamang mako kon ini-Mu.

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

AMSAL 11:20

Ki Tuhan in doíbí kon intau inta gina moraat, táe Sia in motabibí kon intau inta nobiag diá in bogit.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

PINOGIAPAN 14:8

Aka kinoibog i Tuhan in kita, dá diaan-Neabí in kita mayá intua bo ogoi-Nea kon i naton in butá inta nooyúon bo inta mopia totok tatua.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.