MAZMUR 145:4 - Alkitab Singog In Mongondow Masa In Tanaa

⁴ Kon buíanneabí intau in modayowbí kon aid-Mu bo mopotaa-taau mako in kororoton-Mu.

MAZMUR 145:4 ပူးပေါင်းရင်းမြစ်များ

ESTER 9:28

Sinantú domandon kon singgai mita in Purim tatua in mobaḻídon singgai Moḷoben mononoi inta musti umuran toropon bo pomiaan kon ponanoban in batúan motoḷuadí in Yahudi kon bayongan in topobiag kon batúan in propinsi bo kon batúan in kotá.

AYUB 8:10

Indongogaipa in singog in intau moarip tatua koḻipod, mosia in nobogoi in totundú tanaa kon inimu,

MAZMUR 71:18

O Allah, dika taḷaan in akuoi, modapot in mogoguyang in akuoi bo ubanan, sinbá akuoi in mopotaau in kawasa bo kototoyang-Mu kon bayongan in buí inta moiduduimai.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

ULANGAN 4:10

soaḷ singgai tatua, kon tungkuḷ in moiko sinimindog kon tayowon i Tuhan Allahmu kon Buḷud in Sinai. Kon dodai intua Sia in noguman kon inakó, ‘Sipundon in bangusa tatua. Ibogon-Ku in mosia mokidongog kon onu in poguman-Ku, sinbá mosia in mobalajar motoindudui kon i-Nakó kinoouput in kinobiagan monia, bo bá mosia motundú kon i adí mita monia sinbá motoindudui kon i-Nakó.’

ULANGAN 6:7

Tundúdon kon i adímu mita. Ouman intua kon bonu in baḷoi bo kon ḷuai in baḷoi, kon dodai in mogogai bo kon dodai in mogaid.