MAZMUR 145:3 - Alkitab Singog In Mongondow Masa In Tanaa

³ Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 145:3 ပူးပေါင်းရင်းမြစ်များ

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

AYUB 9:10

Diá komangaḻean naton in bayongan in oaidan-Nea, diábí in kita mokoiap kon aid-Nea mita inta mokoherang.

MAZMUR 139:6

Moiḻiu in ako kon inakó in sinotaau-Mu tatua, diábí kogawadan in raianku.

MAZMUR 147:5

Totuubí kon moḷoben bo motoyang in ki Tuhan naton, kobobijaksana-Nea in diábí in imbuitnea.

MAZMUR 48:1

Mazmur in inanakan i Korah.

MAZMUR 96:4

Sin Moḷobenbí in ki Tuhan, bo totokbí in dinayow, mustibí koondok moiḻiu kon bayongan in dewa.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!