MAZMUR 145:21 - Alkitab Singog In Mongondow Masa In Tanaa

²¹ Akuoi in moibogbí umuran modayow kon i Tuhan, igumon mako in bayongan in mahaḷuk-Nea in modayow kon tangoi Tuhan modapot in mononoi.

MAZMUR 145:21 ပူးပေါင်းရင်းမြစ်များ

MAZMUR 103:22

Dayowdon in ki Tuhan, ei bayongan in inta binaḻí-Nea kon sinangkub in butá inta kinawasa-Nea. Dayowdon ki Tuhan, ei dimukudku!

MAZMUR 145:5

Mosia in mopotaaubí in koḷoḷantud bo komomulia-Mu, mia-Mu inta mokotongaw in tano-tano bo kubí.

MAZMUR 150:6

Biódon mako in bayongan in mahaḷuk inta nobiag modayow kon i Tuhan. Dayowdon in ki Tuhan!

MAZMUR 30:12

Amuiku ain binaḷuian-Mu nobaḻí tayok pia in gina, Ginamá-Mu in robonoḷ in ginaku bo inogoian-Mu in akuoi in ḷunganga in gina.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 65:2

Patusbí in kami modayow kon ini-Mu kon Sion, o Allah, bo mogintompod kon dandi nami kon ini-Mu.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

MAZMUR 71:8

Akuoi in umuranbí modayow kon ini-Mu, kinoouput in singgai potaauku in koagung-Mu.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 89:1

Dondong topotundú i Etan, intau in Ezrahi.