MAZMUR 145:15 - Alkitab Singog In Mongondow Masa In Tanaa

¹⁵ Bayongan inta nobiag in mongamangbí mako kon ini-Mu; Inogoian-Mu in mosia in kaanon kon wakutunea.

MAZMUR 145:15 ပူးပေါင်းရင်းမြစ်များ

KINOBAḺIAN 1:30

Táe kon bayongan in ḷagapan bo mahaḷuk ibanea, ogoi-Ku in bonok bo pinomuḷa inta oyúon in daunnea saḷaku kokaanon monia.” Dá soaḷ tatua in nobaḻí domandon.

MAZMUR 104:21

Singa mita batánea moganggor motayak kon kaanonnea, moigum kon kaanon inta sinadia i Allah.

MAZMUR 104:27

Mosia komintan in mogoḷatbí mako kon ini-Mu, sinbá mokouḻí kon kaanon kon wakutunea.

MAZMUR 136:25

Kon batúan in inta nobiag inogoian-Nea in kaanon; tabi-Nea in umuran mononoi.

MAZMUR 145:9

Sia in mopiabí in gina kon bayongan in intau, bo motabi kon bayongan inta binaḻí-Nea.

YOËL 2:22

Ei mahaḷuk mita, dikadon moḻia-ḻiaw in gina. Rawang mita in bonok tanaa in iḷumunowdon. Pangkoi mita in kayu modatog in bungainea, bungai mita in anggur bo ara mobarongdon totok.

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

LUKAS 12:24

Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.