MAZMUR 145:1 - Alkitab Singog In Mongondow Masa In Tanaa

¹ Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.

MAZMUR 145:1 ပူးပေါင်းရင်းမြစ်များ

TAWARIKH 1 29:13

Tanaa, o Allah nami, kami mopoyaput in sukur kon ini-Mu, bo modayow in kami kon tangoi-Mu inta moḷantud.

MAZMUR 100:1

Mazmur kon pobogoian kon kuruban sukur. Porogiowdon kon i Tuhan, ei bayongan in butá!

MAZMUR 118:28

Iko in ki Allahku, akuoi in mopoyaput in sukur kon ini-Mu. Allahku, akuoi in mopoḷantud kon ini-Mu.

MAZMUR 145:21

Akuoi in moibogbí umuran modayow kon i Tuhan, igumon mako in bayongan in mahaḷuk-Nea in modayow kon tangoi Tuhan modapot in mononoi.

MAZMUR 146:2

Akuoi in moibog modayow kon i Tuhan kon kinoouput in kobiaganku bo modondong kon i Allahku kon dodai in oyúonpa in akuoi.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 30:1

Mazmur i Daud. Dondong pongimpaḷutan kon baḷoi i Allah.

MAZMUR 30:12

Amuiku ain binaḷuian-Mu nobaḻí tayok pia in gina, Ginamá-Mu in robonoḷ in ginaku bo inogoian-Mu in akuoi in ḷunganga in gina.

MAZMUR 30:2

Akuoi in modayow kon ini-Mu, o Tuhan, sin Iko in noposaḷamatdon kon inakó bo diá nopomayá mako kon musungku nonggoḷokap kon inakó.

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MAZMUR 44:4

Butá tatua in diábí inagow monia nopomaké in kedang; diábí doman ropot monia tontaní in nokopountung kon i monia, táe pinodoyonbí kon kawasa bo sindar in kinoangoian-Mu, sin noibog in Iko notuḷung kon umat-Mu.

MAZMUR 45:1

Mazmur in inanakan i Korah. Dondong tabi. Kon i itoi in mododondong. Podudui in nada: Bungang bakung.

MAZMUR 45:6

Piotmu inta moḷanit moiḷambai kon putú in musungmu, bangusa mita in moḷabú kon tayowon in sioḷmu.

MAZMUR 5:2

O Tuhan, indongogaipa kaasí in tosingogonku mita, taridiaipa in amuiku mita.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

MAZMUR 52:9

“Tuata in intau inta diá namangoi kon i Allah, táe mongamang mako kon kaoyúonan inta mobarong totok bo mogadop kon pakakat inta inagownea.”

MAZMUR 68:4

Táe intau motoḷutui in mopia takin moḷunganga in gina, mosia in moronggiow pia in gina kon tayowon i Allah.

MAZMUR 75:9

Torú i Tuhan naonda bo piala kon ḻima-Nea, piala tatua in binonuan in tubig in anggur inta mokoḷoḷangu. Ki Allah in nopobutak in bonunea, bayongan in intau moraat kon dunia musti monginum dapot in modait.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

MAZMUR 96:2

Podondongdon kon i Tuhan bo dayowdon in Sia; pomuḷoi in singgai potaa-taaudon mako in habar mokosanang kon Sia in noposaḷamatdon kon inaton.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 38:20

Tuhan, Iko in nongundamdon kon inakó, dá kami in nopodondongdon in dodayow kon Baḷoi-Mu pinongin mokuti kon kecapi, kino ouput in kobiagan nami.”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”