MAZMUR 144:7 - Alkitab Singog In Mongondow Masa In Tanaa

⁷ Potuntundon mangoi in ḻima-Mu nongkon soroga, bo batundon in akuoi nongkon dunuk. Posaḷamatdon in akuoi nongkon kawasa in intau ango-angoi

MAZMUR 144:7 ပူးပေါင်းရင်းမြစ်များ

SAMUEL 2 22:17

Nongkon tampat moḷantud Sia in nopotonggó in ḻima-Nea; kinadaian-Nea in akuoi bo binatun-Nea nongkon tubig inta modaḷom.

MAZMUR 124:4

Dá kita in iniḻigdon in ḷunud, bo sinagom in tubig;

MAZMUR 144:11

Posimparutdon in akuoi kon kedang in intau moromú; posaḷamatdon in akuoi nongkon kawasa in intau ango-angoi inta moibog monguboḷ bo monompobaḻik, bo mopongibot in uboḷ.

MAZMUR 18:16

Apad in dagat inontongdon bo aip in butá nobukat kon dodai in ki Tuhan nongguak kon musung-Nea pinongin torú.

MAZMUR 18:17

Nongkon omonik ki Tuhan nopotuntun in ḻima-Nea; kinadaian-Nea in akuoi bo inugut-Nea nongkon tubig inta noḻinow.

MAZMUR 18:44

Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

MAZMUR 54:3

O Allah, posaḷamatdon in akuoi pongin kawasa-Mu, ogoiaidon in inta moadil kon inakó podoyon kon ropot-Mu.

MALEAKHI 2:11

Umat in Yohuda ain iḻimimpat kon dodandian i Allah takin i monia bo nogaidon kon inta mokokoningkim kon Yerusalem bo sinangkub in butá. Mosia in nongotordon kon Baḷoi i Tuhan inta kinotabinea bo notonibuḷoi in bobay mita inta nosumba kon dewa mita in bangusa ibanea.

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.