MAZMUR 144:6 - Alkitab Singog In Mongondow Masa In Tanaa

⁶ Pogambatdon in kilat-Mu sinbá musung in ponangketon, popopiotdon in piot-Mu sinbá mosia modoḻiok.

MAZMUR 144:6 ပူးပေါင်းရင်းမြစ်များ

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

MAZMUR 21:12

Aka mosia bo monomayá kon monayow kon i datu, tombuḻitok monia in diábí mokodapot.

MAZMUR 45:5

Bayádon takin torindog momatuk kon inta mokountung moḷongasi kon inta mobanar bo moadil inta moḷukó; podoyon kon ropotmu batukdon in kountungan inta moḷoben!

MAZMUR 64:8

Táe ki Allah in nopopiotbí in piot-Nea kon i monia, bo indoianmai notompaḻí in mosia.

ULANGAN 32:23

Tantú-Kubí popoangoi in bodito, Popiot-Ku in bayongan piot-Ku kon i monia.

ULANGAN 32:42

Piot-Ku mita in mopuḻingbí in dugú monia; bayongan inta monayow kon i-Nakó ḻimodon-Ku in kedang-Ku. Diábí pomayá-Ku mako in ki inekabí in moḷawang kon i-Nakó; intau inta kon ponjara bo inta sinoko tompaḻían in mustibí doman matoi.