MAZMUR 144:13 - Alkitab Singog In Mongondow Masa In Tanaa

¹³ Igumon mako in ontag mita naton mopuḻing in bayongan bungai in boyó. Igumon mako in domba mita kon rawang mita naton mogadí modapot in puḷúan in ribu in kobayongnea.

MAZMUR 144:13 ပူးပေါင်းရင်းမြစ်များ

IMAMAT 26:10

Bungai in boyó kon butá monimu in moguntu-guntuḷdon, dá tugatbí kaanon kon bonu in totaong. Modapot in pakisadon poḷuaion monimu in ḻiu in bungai in boyó inta noonggotdon sinbá oyúonpa in potagúan kon bungai in boyó inta bagu binatun.

IMAMAT 26:5

Bungai in boyó kon butá monimu moguntu-guntuḷ, modapot in aka moiangoidon in wakutunea mosipú kon bungai in anggur, umuranpa doman in moiko moratab kon gandum. Bo aka wakutuneadon momuḷa bui kon gandum, moiko in umuranpa doman mosipú kon bungai in anggur. Moiko in diábí kodai-daitan in kaanon bo mobiag motompia kon butámu.

MALEAKHI 3:10

Diadon in mopuḷú noporosenmu komintan kon Baḷoi-Ku sinbá oyúon in kaanon mobayong totok kon tua. Tungkuḷaidon in Akuoi, dá ontongbí monimu kon Akuoi in momukat kon ḷoḻingkop mita in soroga bo mobogoi kon i monimu in bayongan inta mopia.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

ULANGAN 28:8

Ki Tuhan Allahmu in momarakatbí kon totayakmu bo momonu in gandum kon ontagmu mita. Barakatan-Neabí in moiko kon butá inta inogoi-Nea kon inimu.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.