MAZMUR 144:12 - Alkitab Singog In Mongondow Masa In Tanaa

¹² Igumon mako in ki adí mita ḷoḷaki naton kon dodai in nobagupa naonda bo pinomuḷa inta nobiag noḷoben. Igumon mako in adí mita bobay naton naonda bo oigi moḷunat, inta noḷambá kon batúan siku in komaḻig.

MAZMUR 144:12 ပူးပေါင်းရင်းမြစ်များ

AYUB 42:15

Kon bayongan in butá diábí in mongodeaga ná koḷoḷunat in adí mita i Ayub taya toḷu tua. Mosia tua in inogoian in tonsilai kon kapunyaan i amánea, notongkai ná ki utat mita monia inta ḷoḷaki.

MAZMUR 128:3

Ki buḷoimu bobay in naonda bo pangkoi in anggur inta moḷumbá kon bonu in baḷoimu. Ki adímu mita in naonda bo poḻimping in pangkoi in zaitun kon ḻibu in mejamu.

OMBAḶ 4:2

Dungkuḷmai ede mita in tayowmobiag in Kotá in Sion naonda bo buḷawan inta koboḻi, táe tanaa in pinomiadon mako naonda bo kuyon butá.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

ULANGAN 7:13

Sia in motabibí bo momarakat kon i monimu, dá adímu mobarong bo umuran doman kodugang-kodugang in kobarong monia. Sia in momarakatbí kon gobámu mita, dá mobarong in gandum, anggur bo ḷana in zaitun. Sia in momarakatbí kon i monimu dá mobarong in sapi bo bembé dombamu. Bayongan barakat tatua in tarimaanbí monimu kon butá inta inogoi i Tuhan kon inimu, podudui in dandi-Nea kon mogoguyangmu.