MAZMUR 143:10 - Alkitab Singog In Mongondow Masa In Tanaa

¹⁰ Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

MAZMUR 143:10 ပူးပေါင်းရင်းမြစ်များ

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 118:28

Iko in ki Allahku, akuoi in mopoyaput in sukur kon ini-Mu. Allahku, akuoi in mopoḷantud kon ini-Mu.

MAZMUR 119:12

Akuoi in modayow kon ini-Mu, o Tuhan, tundúdon in akuoi in atorang-Mu.

MAZMUR 119:35

Igumon mako akuoi in umuran kumadai totok kon parenta-Mu, sin tuabí in kinoibogku.

MAZMUR 139:24

Indoiaika mongo oyúon in moraat kon bonu in awakku, bo diádon in akuoi kon daḷan inta mononoi.

MAZMUR 140:6

Intau mokaḷakuang umado-adop in motaan kon potait kon inakó, bo mobukayad kon pukot sin podomok kon inakó. Kinoouput in daḷan mosia in motaan kon poyogaḷap sin modomok kon inakó.

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 23:3

Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

MAZMUR 27:11

Poontongdon kon inakó onu inta koibog-Mu, o Tuhan, kapitondon in akuoi kon daḷan inta notuḻid, sin musungku in totuu mobayong.

MAZMUR 31:14

Kon ondaka umuranbí oyúon in mokokoningkim; dongogonku in yogombong mita in musungku. Mosia in moyopakat moḷawang kon inakó, bo momia kon tomayá sin moḻimod kon inakó.

MAZMUR 63:1

Mazmur i Daud, kon tungkuḷ in sia kon padang gurun Yohuda.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 63:14

Ki Tuhan in nodia kon i monia minayá in tampat pogogaian, naonda bo bobiagon dinia binayá pinokaan kon rawang. Natuata in Sia nodia kon umat-Nea, sinbá tangoi-Nea in poḷantudon.

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

PINOGIAPAN 9:22

Kon bonu in goḷom tatua kon tombutungpa in Ḷoḷaigan i Tuhan, pinomayá doyowa nosinggai, tobuḷan, totaong, andeka moiḻiu, dá natua doman in koonggotnea in mosia mogutun kon tampat tatua. Aka goḷom tatua mamonik, bain tua mosia bo mobuat.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 15:30

Podoyon kon tangoi i Tuhan naton ki Yesus Kristus, bo podoyon kon tabi inta inogoi in Roho i Allah, igumonku totok sinbá moiko in moyotakinku mosambayang kon i Allah.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

SURAT I PAULUS KON JAMAAT RUM 8:26

Tongá Roho i Allah in mamangoibí motuḷung kon i naton aka kita in moyangkódon. Sin diábí kotaauan naton naonda in pososambayang naton. Rohobí tatua in mayá tumayow kon i Allah bo mopoigum kon bayongan inta inamuimai naton.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

EPESUS 5:9

Sin nongkon bayag tuata momuká in bayongan oaid inta mopia, motuḻid bo mobiag totu-totuu kon tayowon i Allah.

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.