MAZMUR 142:7 - Alkitab Singog In Mongondow Masa In Tanaa

⁷ Indongogaipa kaasí in kuaniku, sin totok in mororiga in akuoi. Posaḷamatpa kaasí in akuoi nongkon musungku mita, sin mosia in moropo-ropot in akuoi.

MAZMUR 142:7 ပူးပေါင်းရင်းမြစ်များ

MAZMUR 116:7

Pinoodomku in ginaku, sin ki Tuhan in mopia kon inakó.

MAZMUR 119:17

Igumon mako mopia in gina-Mu kon mogogundoi-Mu naa, sinbá akuoi in umuran mobiag bo dumudui kon totundú-Mu.

MAZMUR 119:74

Intau motoguondok in mosanangbí in ginanea aka mokoontong kon inakó, sin akuoi in mogoḷat mako kon dandi-Mu.

MAZMUR 13:6

Sin akuoi in mopongata in tabi-Mu, dá moḷunganga in akuoi sin Iko in noposaḷamat kon inakó. Akuoi in moibog mopoyaput in dondong kon i Tuhan, sin Sia in nopoaid in mopia kon inakó!

MAZMUR 142:1

Dondong totundú i Daud, kon tungkuḷ in sia kon bonu in angob.

MAZMUR 143:11

Posaḷamatdon in akuoi podudui in dandi-Mu, o Tuhan, podoyon kon kopopia-Mu, poḷuatdon in akuoi nongkon roriga.

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

MAZMUR 34:2

Akuoi in moibog mosukur kon i Tuhan pomuḷoi mako, bo diá mogoga-gogai in modayow kon i-Nia.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

MAZMUR 9:3

Moibog in akuoi mopoḷunganga bo moposanang in gina popisí in Iko bo modayow kon tangoi-Mu, Tuhan Inta Totok in moḷantud.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.