MAZMUR 140:10 - Alkitab Singog In Mongondow Masa In Tanaa

¹⁰ Dikabí pomayá mako in musungku mountung; biódon mako in tosingogon mita moraat inta siningog monia moiuma kon i monia inta noponapud in uboḷ kon inakó.

MAZMUR 140:10 ပူးပေါင်းရင်းမြစ်များ

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 120:4

Kodia-dia in piot moruit in pojuang tobatú, takin doman in baga inta kodoko-dokot!

MAZMUR 21:9

Sia in modakopbí kon bayongan in musungnea, bo nodomok kon bayongan in intau inta nondoí kon i-Nia.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 64:9

Mosia in noyopú popisí in tosingogon monia tontaní; bayongan inta nokoontong kon inia nomombiḻing.

MAZMUR 7:17

Dá sia in ihukumbí in aidnea tontaní inta moraat, bo iroriga in aidnea tontaní inta moḻingá.

AMSAL 28:10

Ki ine in modondouḷug kon intau motuḻid sinbá mogaid kon inta moraat, yo siabí tontaní in moḷabú kon poyogaḷap. Intau inta modarit in ginanea barakatanbí dá mosanang.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

MATIUS 13:50

Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”

WAHYU 20:15

Intau mita inta tangoi monia diá pinais kon bonu in Buk Intau Nobiag, pogambat kon bonu in dagat tuḷu.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”