MAZMUR 138:7 - Alkitab Singog In Mongondow Masa In Tanaa

⁷ Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

MAZMUR 138:7 ပူးပေါင်းရင်းမြစ်များ

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

MAZMUR 17:7

Poontongdon in tabi-Mu inta mokoherang sin pinosaḷamat-Mu in intau inta namangoi kon ini-Mu, kon diug-Mu moioḻingoi in mosia nongkon ponubuan in musung.

MAZMUR 18:17

Nongkon omonik ki Tuhan nopotuntun in ḻima-Nea; kinadaian-Nea in akuoi bo inugut-Nea nongkon tubig inta noḻinow.

MAZMUR 18:18

Sia in noposaḷamat kon inakó nongkon musung inta motorindog bo nongkon intau mita inta nondoí kon inakó, sin mosia in diá kotaḷowanku.

MAZMUR 18:35

Sinundú-Nea in akuoi moparang, dá motaaudon in akuoi momadang kon puḷu in piot inta totok in moropot.

MAZMUR 20:6

Dá kami in morogiow takin pia in gina sin iko in nountung, bo motonggó kon bandera mita sin modayow kon i Allah naton. Igumon mako ki Tuhan in mobogoi kon bayongan inta pinoigummu.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 56:9

Iko in nogiap kon singgai mita binaya-bayáanku mako, bo nonotaau kon kobayong in ḷuáku; yo degá diá iniap-Mu intua?

MAZMUR 60:5

Pinomayá-Mu mako in umat-Mu nokorasa kon roriga mobogat; kami in noipape magí-mako naonda bo intau noḷoḷangu.

MAZMUR 77:10

Degá kinoḻiongandon i Allah in monotabi? Sinumorúdon degá in Sia, nodapot in Sia diádon in tabi-Nea?”

MAZMUR 85:6

Modapot degá in mononoi Iko in tumorú kon inami, bo umuran tumorú modapot in adí bo ompu?

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

YEREMIA 51:25

Ei Babel, iko in naonda bo buḷud inta nokorimumud kon sinangkub in dunia. Táe Akuoi, ki Tuhan, in moḷawangbí kon inimu. Iko in uguton-Kubí bo ḻitoion-Ku bo pomayá-Kudon mako mopokak mobaḻí ḷobud.

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,