MAZMUR 137:8 - Alkitab Singog In Mongondow Masa In Tanaa

⁸ Ei Babel, iko in yopúonbí! Pia in kamang in intau inta motuḻí kon inimu aid moraat inta pinopoaidmu kon inami.

MAZMUR 137:8 ပူးပေါင်းရင်းမြစ်များ

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YEREMIA 50:1

Naa in koyow i Tuhan kon inakó soaḷ kotá in Babel bo intau inta nogutun kon bonunea.

YEREMIA 50:29

Ki Tuhan in noguman, “Potabádon in momomiot monubu kon Babel. Pokipiotaidon in intau mita inta mongotaná momiot. Kopungdon in kotá tatua bo dikadon pomayá mako in intau tobatúmai in mokoḷagui. Tuḻíaidon in bayongan oaidnea bo popoaidon kon inia podudui in aidnea, sin sia in nopoaidon in inta mokotor kon i-Nakó, Inta Totok in motusi, Allah in Israel.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.