MAZMUR 137:2 - Alkitab Singog In Mongondow Masa In Tanaa

² Kon pangkoi mita in gandarusa kon butá tatua binambé nami in kecapi nami.

MAZMUR 137:2 ပူးပေါင်းရင်းမြစ်များ

MAZMUR 33:2

Posukurdon kon i Tuhan takin kecapi, modondong kon i-Nia takinan in musik.

MAZMUR 81:2

Podondongdon in dondong dodayow kon i Allah, ropot naton, porogiowdon takin sanang in gina kon i Allah i Yakub.

YESAYA 24:8

Diá bidon in kodongogan in pokutian kon kecapi inta mokosanang bo pobongkugan kon rebana inta morame. Kororame in intau inta kinoḷungangaan in gina in noigogaidon.

YEHEZKIEL 26:13

Pogogaion-Kubí in bayongan dondongmu bo singog in kecapimu.

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

WAHYU 18:22

Singog in kecapi inta kinuti in intau mita inta motaau mokuti bo dondong mita in intau inta modondong, bo singog in bansí bo singog in torompet, diá bidon kodongogan bui kon bonu in kotámu! Bo ahli mita mogogaid in diá bidon kodungkuḷan kon tua, sedang singog in giḻingan batu bo diá bidon in kodongogan kon tua.