MAZMUR 137:1 - Alkitab Singog In Mongondow Masa In Tanaa

¹ Kon bingkí in ongkag mita in Babel kami in iḻimitú bo mongombaḷ aka mokotorop kon Sion.

MAZMUR 137:1 ပူးပေါင်းရင်းမြစ်များ

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

EZRA 8:31

Kon singgai impuḷú bo doyowánea buḷan imitánea, kami in nonaḷámai kon Ongkag in Ahawa bo minayá in Yerusalem. Kon binayáan tatua kami in iḷukadan i Allah nami nongkon musung mita inta monubu bo moḷamboi.

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

MAZMUR 42:4

Singgai doḷom mongombaḷ in akuoi, dongkadon ḷuá in mobaḻí kokaanonku. Kinoouput in singgai musungku in moḻibó, “Kon onda in ki Allahmu?”

YESAYA 66:10

Poḷungangadon moyotakin in Yerusalem, ei bayongan in intau inta motabi kon inia. Moiko inta nonogumatoi popisí in sia, tanaa in motaaudon morame moyotakin.

YEREMIA 13:4

“Bayádon kon Ongkag in Eprat, bo bunidon in bintoḷ nopoḷok tatua kon sigad in batu.”

YEREMIA 15:17

Akuoi in diábí sinumakin nobarasanang takin intau mita inta noyosipun sin moyambá. Popisí in motoḷutui kon ini-Mu dá sinumontaní in akuoi takin sinumorú.

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

OMBAḶ 1:16

Tuamai in noḷabú in ḷuáku, diá in moginrigon kon gina bo moḻipoi. Bangusaku in kinobuḻiandon in bayongan in yagi-yagi, popisí in kawasa in musung in moḷobe-ḷoben.

OMBAḶ 2:18

Ei dinding mita in Yerusalem, pokuanidon kon i Tuhan! Potutugdon in ḷuámu naonda bo tubig in ongkag inta moiḻig singgai doḷom. Tantúbí pongombaḷ, dika modoná modapot in awakmu moḷopí!

OMBAḶ 3:48

Ḷuáku in moiḻig naonda bo ongkag popisí in bangusaku in norimumudon.

OMBAḶ 3:51

Ginaku in noajardon in nokoontong kon ukur in bobay mita kon kotá nami.

YEHEZKIEL 1:1

Kon singgai iḻimanea buḷan inggopatnea kon taong intoḷu nopuḷúnea, kon bonu in taong iḻimanea ki Datu Yoyakhin inakut pinobayá in pinoḷumbúan, akuoi, ki Imang Yehezkiel ki adí i Busi, in kon bingkí in Ongkag in Kebar kon Babel noyotakin in intau mita in Yahudi ibanea inta iḷumbú. Daḻíbí nobukat in ḷangit bo akuoi in nokouḻí kon oontongon soaḷ ki Allah. Dinongogku in ki Tuhan in nopoyaput in singog kon inakó bo kinorasaanku in ropot in kawasa-Nea.

YEHEZKIEL 3:15

Dá noiyaputdon in akuoi kon tampat pinogutunan in intau mita inta iḻumbú kon Tel-Abib kon bingkí in Ongkag in Kebar. Pitu nosinggai in akuoi nogutun kon tua; noitongau mako in akuoi popisí in bayongan in inta bagukupa dinongog bo inta inontongku.

DANIEL 9:3

Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”