MAZMUR 136:24 - Alkitab Singog In Mongondow Masa In Tanaa

²⁴ Pinoḷuat-Nea in kita nongkon kawasa in musung; tabi-Nea in umuran mononoi.

MAZMUR 136:24 ပူးပေါင်းရင်းမြစ်များ

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

MAZMUR 107:2

Bui-buimaidon singog intua, ei moiko inta ain pinosaḷamat nongkon susa.

IḶUAIAN 15:13

Iko in nodia kon bangusa inta ain pinosaḷamat-Mu naa, sin onu in pinodandi-Mu tua doman in aidan-Mu. Ropot-Mu moḷoben pinogoḻingoi-Mu kon i monia, bo poḷat dinia-Mu pinobayá in butá-Mu inta motusi naa.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.