MAZMUR 135:14 - Alkitab Singog In Mongondow Masa In Tanaa

¹⁴ sin Iko in nobogoidon in inta moadil kon umat-Mu, bo nonotabi kon mogogundoi-Mu mita.

MAZMUR 135:14 ပူးပေါင်းရင်းမြစ်များ

TAWARIKH 1 21:15

Bo ki Tuhan in nopotabá kon malaekat tobatú sin moyopú kon Yerusalem. Táe kon dodai in malaekat tatua noidapotdon kon diug in pororipúan kon gandum i Arauna intau in Yebus, ki Tuhan nomaḷui kon kaputusan-Nea mohukum kon bangusa tatua. Noguman in Sia kon malaekat tatua, “Tugatdon! Pogogaidon!”

MAZMUR 50:4

Sia in mogoiní kon ḷangit bo butá sin moindoi kon ponisigan-Nea kon umat-Nea.

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

AMOS 7:6

Ki Tuhan in nomaḷui kon tomayá-Nea bui bo noguman, “Naa doman in diábí mobaḻí.”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.