MAZMUR 134:1 - Alkitab Singog In Mongondow Masa In Tanaa

¹ Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

MAZMUR 134:1 ပူးပေါင်းရင်းမြစ်များ

TAWARIKH 1 9:23

Pinangkoi kon tua mosia takin buí monia in umurandon nobaḻí moḷoḷukad kon bonawang in Baḷoi Tuhan.

TAWARIKH 1 9:27

Mosia in nogutun kon diug in Baḷoi Tuhan, sin mosia in mustibí umuran moḷukad kon baḷoi tatua bo momukat kon bonawangnea mita muḷoi in doḷo-doḷom.

TAWARIKH 1 9:33

Tongosilai intau in Lewi inta ibanea in mopobayá in oaidan nobaḻí mododondong kon Baḷoi Tuhan. Tongguḷu mita in motoḷuadí monia in nogutun kon tongonumai in baḷoi kon Baḷoi Tuhan. Mosia in diábí inogoian in oaidan ibanea, sin mosia in mogaidbí doḷom bo singgai.

TAWARIKH 2 29:11

Adíku mita, dikadon mogoḷat mongo toonu, sin moikobí inta ain piniḻí i Tuhan moibada bo mogundoi kon i-Nia bo poḷat motubá kon dupa bo modia kon rayat moibada.”

TAWARIKH 2 35:5

Tompiadon in paananmu tua kopiaan totok dá umuran oyúon in nongkon i monimu inta motaau mobantung kon pomuḷoi in paanan intau in Israel kon Baḷoi Tuhan.

NEHEMIA 12:9

Mododondong inta mopodondong in dondong totubag: ki Bakbukya, ki Uni bo totakinnea toinanakan.

MAZMUR 103:21

Dayowdon in ki Tuhan, ei bayongan in mahaḷuk kon soroga, bayongan in mogogundoi-Nea inta nogaid kon kinoibog-Nea.

MAZMUR 113:1

Dayowdon in ki Tuhan! Ei mogogundoi mita i Tuhan, dayowdon in tangoi i Tuhan!

MAZMUR 120:1

Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó.

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

MAZMUR 124:1

Dondong i Daud kon dodai in mayá in Baḷoi Tuhan. Naonda degá aka kuma bo ki Tuhan diá dumotá kon i naton? Ei Israel, tubagaidon nanaa:

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MAZMUR 127:1

Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad.

MAZMUR 128:1

Dondong mayá in Baḷoi Tuhan. Pia in kamang in intau inta motoguondok bo nobiag noidudui kon parenta i Allah.

MAZMUR 129:1

Dondong mayá in Baḷoi Tuhan. Israel, pogumandon mongo naonda in pinomomogutú in musung kon inimu pinangkoi kon iko nobagupa.

MAZMUR 130:1

Dondong mayá in Baḷoi i Tuhan. Nongkon bonu in irang roriga akuoi in nokuani kon ini-Mu, o Tuhan.

MAZMUR 130:6

Akuoi in mokotanob kon i Tuhan, noiḻiu kon tanob in moḷoḷukad doḷom kon mobayagdon.

MAZMUR 131:1

Dondong i Daud mayá in Baḷoi Tuhan. Tuhan, akuoi in diábí mododia, bo diábí moḷoḷatú. Akuoi in diábí mogaḷow kon inta moiḻiu in ḷoben andeka inta moiḻiu in roriga batukonku.

MAZMUR 132:1

Dondong mayá in Baḷoi Tuhan. O Tuhan, toropdon in ki Daud, bo bayongan in roriganea.

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

MAZMUR 84:5

Totuu mosanang in intau inta nogutun kon Baḷoi-Mu, bo umuran mopodondong in dodayow kon ini-Mu.

IMAMAT 8:35

Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”

LUKAS 2:37

táe tanaa sia dongkadon boba-bobay, bo umurnea aindon waḷu nopuḷú boopat notaong. Sia umuranbí mamangoi in Baḷoi Tuhan. Doḷom bo singgai sia mogaid kon onu inta kino ibog i Tuhan, sia in mosambayang bo mopuasa.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

WAHYU 19:5

Bo kinodongogandon in giow nongkon tampat pomomarentaan tatua noguman, “Dayowdon in ki Allah, ei bayongan in intau inta nogaid kon oaidan i Allah, bo bayongan intau – guyanga-mongoadí – inta nosumba kon i Allah!”

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.