MAZMUR 132:6 - Alkitab Singog In Mongondow Masa In Tanaa

⁶ Kon Betlehem dinongog naton soaḷ Poti Dodandian, bo nouḻí kon rawang in Yaar.

MAZMUR 132:6 ပူးပေါင်းရင်းမြစ်များ

KINOBAḺIAN 35:19

Naonda in ki Rahel minatoi, sia iḷobong kon bingkí in daḷan inta mopobayá in Eprata, inta masai naa sinangoian Betlehem.

SAMUEL 2 6:3

Poti Dodandian tatua in ginamá nongkon baḷoi i Abinadab kon tudu in buḷud bo pinopodatog kon roda inta mobagu. Bo ki Uza taya dua i Ahio, adí mita i Abinadab dinumudui kon roda tatua; ki Uza in minayá kon sínea,

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

SAMUEL 1 17:12

Ki Daud tua in ki adí i Isai intau in Eprata, nongkon Betlehem kon Yohuda. Ki Isai naa in kogadí kon ḷoḷaki taya waḷu, kon tungkuḷ in ki Saul nomarenta, ki Isai in nogoguyangdon totok.

SAMUEL 1 7:1

Dá intau kon Kiryat-Yearim nogamá kon Poti Dodandian i Tuhan tatua bo dinia monia pinobayá in Baḷoi i Abinadab; baḷoi tatua in kon tudu in buḷud. Onda intua mosia noduí kon i Eleazar adí i Abinadab, sin mobaḻí moḷoḷukad kon Poti Dodandian tatua.