MAZMUR 131:1 - Alkitab Singog In Mongondow Masa In Tanaa

¹ Dondong i Daud mayá in Baḷoi Tuhan. Tuhan, akuoi in diábí mododia, bo diábí moḷoḷatú. Akuoi in diábí mogaḷow kon inta moiḻiu in ḷoben andeka inta moiḻiu in roriga batukonku.

MAZMUR 131:1 ပူးပေါင်းရင်းမြစ်များ

SAMUEL 2 6:22

Nodapotbí in akuoi in motarimabí kon singkuḻe inta moiḻiu kon ná koina. Motaaubí in iko in mokopoompámai kon i akuoi, táe ata mita inta sinangoimu mita koina, in mohoromatbí kon inakó!”

AYUB 42:3

Iko in noḻibó mongo nongonu sin akuoi in mokobaḻíbí in diá mopirisaya kon hikmat-Mu bokaka akuoi tontaní in diábí nonotaau in onu bo onu. Akuoi naa in nosingog kon onu mita inta diá kinomangaḻeanku, onu mita inta totok in mokoherang kon inakó naa.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 124:1

Dondong i Daud kon dodai in mayá in Baḷoi Tuhan. Naonda degá aka kuma bo ki Tuhan diá dumotá kon i naton? Ei Israel, tubagaidon nanaa:

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

MAZMUR 139:6

Moiḻiu in ako kon inakó in sinotaau-Mu tatua, diábí kogawadan in raianku.

AMSAL 21:4

Intau moraat tatua in binaradosa, popisí in kinawasa in dodia bo ḷoḷatúnea.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

PINOGIAPAN 12:3

Ki Musa naa in intau inta moompá totok in dodia, noiḻiu kon bayongan intau inta nobiag kon dunia naa.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

ULANGAN 17:20

Aka umurannea intua bacaan, dá diábí in sia monganggap kon sia in mopia-pia kon intau mita tobangusanea, bo diábí ḻimimpat kon parenta i Tuhan naondaka in oaidnea. Bo sia takin buínea in momarenta kon bangusanea modapot kon adí bo ompu.”

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 16:22

Onda intua ki Saul nokidia in koyow kon i Isai, “Moibog in akuoi kon i Daud. Ogoipa mako in sia mogutunpa kon naa bo mobantung kon inakó.”

SAMUEL 1 17:15

Ki Daud in mokakit in monaḷámai kon i Saul bo mobui mayá in Betlehem sin moḷukad kon domba i amánea.

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”