MAZMUR 129:5 - Alkitab Singog In Mongondow Masa In Tanaa

⁵ Biódon mako bayongan in intau inta mondoí kon Sion taḷowon bo upeton dapot in umundok.

MAZMUR 129:5 ပူးပေါင်းရင်းမြစ်များ

NEHEMIA 6:16

Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

ESTER 6:13

Onu in nobaḻí tatua inoumannea kon i buḷoi bo kon bayongan in yobayatnea. Onda intua ki buḷoinea bo yobayatnea mita inta mobijaksana tatua in noguman kon inia, “Momangkoidon in Iko taḷowon i Mordekhai. Sia in intau Yahudi bo diábí in iko mokoḷawang kon inia. Notantú bidon kon taḷowonneabí in iko.”

ESTER 9:5

Natuata in nobaḻí, bangusa in Yahudi in motaaubí in mogaid kon onu in koibog monia popoaid kon musung monia, mosia in monubu momaké in pitow bo poḷat moḻimod.

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

MAZMUR 40:15

Biódon mako in intau inta moibog moḻimod kon inakó taḷowon bo moḷagui motoboḻingo. Biódon mako in intau inta monggiow kon susaku upeton modapot in umundok bo singkuḻeon.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 29:8

Bangusa mita inta noyosipun sin monubu kon Yerusalem in naondabí bo intau inta ginogoi inta sinumogoindop koyogot in mongaan, bo nobangon takin diá in bonu in sian, andeka naonda bo intau inta norogang inta sinumogoindop koyogot in nonginum, bo nobangon takin sigogow noingkag.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YESAYA 37:35

Kotá in Yerusalem in duḷuan-Kubí bo ḷukadan-Ku sin kahoromatan-Ku tontaní bo popisí in dodandian-Ku takin i mogogundoi-Ku ki Daud.’ ”

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

ZAKHARIA 12:6

Kon singgai tatua motoḷuadí mita in Yohuda in baḻíon-Ku naonda bo tuḷú kon bonu in bonturungan kayu pondungú andeka poḷombow nodokot kon ḻimonag in pangkoi mita in gandum, mosia in moyopúbí kon bangusa mita topodiugneamai. Táe intau in Yerusalem in umuranbí mogutun kon bonu in kotá takin moodom.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!