MAZMUR 125:2 - Alkitab Singog In Mongondow Masa In Tanaa

² Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

MAZMUR 125:2 ပူးပေါင်းရင်းမြစ်များ

DATU MITA 2 6:17

Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

MAZMUR 121:8

Sia in moḷukad kon inimu kon tungkuḷ in iko mamangoi bo mayá, tanaa mako modapot in mononoi.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

OMBAḶ 4:12

Kon sigad in datu mita bo intau inta nogutun kon dunia diábí tobatúmai in mopirisaya kon bonawang mita in kotá in Yerusalem kinotuotandon in musung.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.