MAZMUR 123:3 - Alkitab Singog In Mongondow Masa In Tanaa

³ Kotabipa kaasí in kami, o Tuhan, kotabipa in kami, sin noiḻiudon in pinononingkuḻe kon inami.

MAZMUR 123:3 ပူးပေါင်းရင်းမြစ်များ

SAMUEL 2 6:16

Naonda in Poti tatua diniadon potuoton kon bonu in kotá, ki Mikhal adí bobay i Saul iḷumongow nongkon jandela bo inontongnea in ki Datu Daud ḷumansi-ḷansik in motayok sin mohoromat kon i Tuhan, bo nooyá in ki Mikhal in nokoontong kon i Daud.

DATU MITA 2 19:3

Naa in koyow i Hizkia inta pinotaau monia kon i Yesaya, “Singgai in naa singgai inta mokorobonoḷ kon gina, ihukum in kita bo pinopoompámai. Kita naa in naonda bo bobay inta mononggadídon táe kinodaitandon in ropot.

AYUB 19:15

Bobantungku bobay kinoḻionganneadon in akuoi, ki tuang monia; inanggapnea in akuoi intau inta diá nogogintaauannea.

MAZMUR 4:1

Kon tongganut in kor. Pinongin oitog kecapi. Mazmur i Daud.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

OMBAḶ 3:30

Umpakabí sinokap bo ginosil, yo tua komintan in tarimaandon naton.

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 23:35

Intau mita in sinimindog mako kon tua bo moindoimai. Itoi mita intau Yahudi umuran morebeg kon i-Nia takin mosingog, “Sia ain noposaḷamat kon intau ibanea; diábí bo tungkuḷan-Nea in tanaa mako bo posaḷamaton in awak-Nea tontaní aka totu-totuubí kon Sia in Datu Mopoposaḷamat inta piniḻí i Allah!”