MAZMUR 120:4 - Alkitab Singog In Mongondow Masa In Tanaa

⁴ Kodia-dia in piot moruit in pojuang tobatú, takin doman in baga inta kodoko-dokot!

MAZMUR 120:4 ပူးပေါင်းရင်းမြစ်များ

MAZMUR 45:5

Bayádon takin torindog momatuk kon inta mokountung moḷongasi kon inta mobanar bo moadil inta moḷukó; podoyon kon ropotmu batukdon in kountungan inta moḷoben!

MAZMUR 52:5

Iko in moibo-ibogbí kon inta moraat nongkon inta mopia, moibo-ibog monguboḷ nongkon moguman kon inta mobanar.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

MAZMUR 7:13

Aka dodia monia bo diá mobaḷui, yo sinadia-Nea bidon in pakakat in parang inta mokopatoi. Inatá-Neadon in kedang bo puḷu in piot kinadaian-Neadon, bo poḷat mopopiot in piot-Nea mita inta kodoko-dokot.

AMSAL 11:12

Moningkuḻe kon intau ibanea in oaidbí inta dondunguḷ; intau inta mopandoi, diábí mosingog kon onuka.

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 11:9

Pongongumanan in intau moraat in mokoyopú; hikmat in intau mopia in mokosaḷamat.

AMSAL 12:22

Ki Tuhan in doíbí kon intau mouboḷ; táe mopia in gina-Nea kon intau inta motuḻid in gina.

AMSAL 16:27

Intau moraat moḷongasi mopobodito kon tumpaḷa intau; tosingogonnea mita moraat ná tuḷú mokopokak.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

AMSAL 18:8

Moponapud tua in mopiabí in korasaan; intau moibog moḻiom kon tua.

AMSAL 19:5

Intau inta monguboḷ kon pongadilan, diábí moisimparut kon hukuman.

AMSAL 19:9

Intau inta monguboḷ kon pongadilan notantú bidon kon hukumon bo yopúon.

YEREMIA 9:7

Tuamai in ki Tuhan Inta Totok in mokawasa in noguman, “Naonda bo logam, umat-Ku in tungkuḷan-Ku sinbá mosia in mobaḻí momurni. Onupa in motaau-Ku aidan kon umat-Ku inta ain nogaid kon inta moraat?

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”