MAZMUR 119:97 - Alkitab Singog In Mongondow Masa In Tanaa

⁹⁷ Totokbí in koibogku in hukum-Mu; umurankubí tano-tano bo kinoouput in singgai.

MAZMUR 119:97 ပူးပေါင်းရင်းမြစ်များ

MAZMUR 1:2

táe inta moibog mogaid kon parenta i Tuhan bo inta tantú monano-nanob kon tua singgai doḷom.

MAZMUR 119:113

Akuoi in moibog totok kon hukum-Mu mita, kinodoíku in intau inta diá noḻimbatú in gina in dumudui kon ini-Mu.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:15

Akuoi in moibog mobalajar kon bayongan inta sinantú-Mu, bo monaridi kon topotundú-Mu mita.

MAZMUR 119:159

Indoiaika dá totokbí in akuoi moibog kon parenta-Mu, o Tuhan, posaḷamatpa kaasí in akuoi podoyon kon tabi-Mu.

MAZMUR 119:165

Intau inta moibog in hukum-Mu in moaman bo moodom, diábí in mokoḷamboi kon i monia.

MAZMUR 119:167

Akuoi in notoindudui kon atorang-Mu mita, bo noibog kon inia takin ḻimbatú in gina.

MAZMUR 119:47

Inta mokoḷunganga kon inakó in mopobayábí in parenta-Mu, sin kinoibogku totok intua.

MAZMUR 119:48

Horomatonku bo koibogku in parenta-Mu, atorang-Mu in umurankubí tano-tanobon.

AMSAL 18:1

Intau inta tumontaní nongkon intau ibanea mangaḻenea in tongá morai kon awaknea tontaní; bayongan in tosingogon in intau bayowannea.

AMSAL 2:10

Iko in mobaḻíbí mobijaksana, bo sinotaaumu in mokosanangbí kon ginamu.

ULANGAN 17:19

Buk tatua in mustibí umuran kon diugnea, bo kinoouput in kinobiagannea musti mobaca kon tua sinbá mobalajar mohoromat kon i Tuhan Allahnea bo mokoposatia in dumudui kon bayongan parenta inta pinais kon bonunea.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.