MAZMUR 119:96 - Alkitab Singog In Mongondow Masa In Tanaa

⁹⁶ Inontongku kon inta notompodpa in oyúonbí in sigadnea, tongábí parenta-Mu in nosompurna.

MAZMUR 119:96 ပူးပေါင်းရင်းမြစ်များ

SAMUEL 2 14:25

Ki Absalom pinuji saḷaku intau inta totok in mogaga kon bayongan in Israel. Diábí in poḻiu kon kogaganea. Pinangkoi kon paḷad in sioḷnea nodapot kon ubung in buok diábí in bogitnea.

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 18:14

“Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 18:17

Onda intua mayat i Absalom binuat bo pinogonag kon bonu in parigí inta moonag kon kayuon. Parigí tatua binumbunan monia in batu nodapot in kinoḷantud. Bayongan tontara in Israel noḷagui nobui kon baḷoinea-baḷoinea.

MOHOHUTUBA 12:8

Gumanku, totuu kon tua komintan in diábí in mangaḻenea, komintan parasuma, diá in mangaḻenea.

MOHOHUTUBA 2:11

Táe noiduduimai kon tua sinaridiku in bayongan inta inaidanku, bo inta bayongan ḷopíku sin moginḷapat kon oaidanku mita tatua, dá kinotaauankudon kon tua mita in diábí in mangaḻenea. Onu in iḷongasiku tua diábí in baragunanea naonda bo moḷongasi modomok kon tompot.

MOHOHUTUBA 7:20

Kon dunia naa in diábí in intau diá in bogit; diábí in umuran mogaid kon inta mopia bo diá kon dodai in onda in noiḷaut noiaid kon dosa.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

SURAT I PAULUS KON JAMAAT RUM 7:14

Kinotaauanbí naton kon hukum in agama Yahudi tua in nongkon Rohobí i Allah; táe akuoi in tongábí intau ilo-ilow. Akuoi ain pinotaḷui mobaḻí ki ata in dosa.

SAMUEL 1 17:8

Ki Goliat in sinumogon bo nomaḷú kon tontara in Israel, “Onu in aidan monimu kon nion? Moibog moparang degá in moiko? Akuoi naa in intau in Pilistin ei ata mita i Saul! Piḻídon in intau tobatú kon sigad monimu inta mokobaḻí mamangoi moparang takinku.

SAMUEL 1 9:2

Ki Kish in kogadí kon ḷoḷaki, tangoinea in ki Saul, tayowmobiag tobatú inta moḷunat bo motorindog. Diábí in tobatúmai in kon bayongan Israel in noiḻiu kon koḷunatnea. Awaknea doman in moḷantu-ḷantud komintan; bayongan in intau in Israel tongá modapot in obaganea in koḷantud monia.