MAZMUR 119:91 - Alkitab Singog In Mongondow Masa In Tanaa

⁹¹ Bayongan inta oyúon tanaa mako, oyúon popisí in parenta-Mu, sin mosia in mogogundoi-Mubí mita.

MAZMUR 119:91 ပူးပေါင်းရင်းမြစ်များ

KINOBAḺIAN 8:22

Kon tungkuḷ in dunia naa oyúon, umuranbí oyúon in sempo monompinomuḷa bo monoḻisí kon bungai in pinomuḷa, oyúon in sempo in tumping bo sempo in patú, sempo in poninggai bo sempo in uagat, singgai bo doḷom.”

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

YEREMIA 33:25

Táe ná doman onda in Akuoi, ki Tuhan, ain nomia kon dodandian takin in singgai bo doḷom, bo nomia kon hukum inta nonompia kon ḷangit bo butá,

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

MATIUS 8:9

Sin koḻimonikanku naa oyúon doman in itoiku. Táe koḻimonaganku oyúon doman in prajurit. Aka akuoi moguman kon prajurit tatua, bayá, dá mayábí doman in sia. Bo aka akuoi moguman kon prajurit ibanea, ‘Angoi!’ dá mamangoibí doman in sia, andeka akuoi mopotabá kon bobantungku, kon aidai in naa dá aidanneabí intua.”

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

HAKIM MITA 5:20

Tundi mita sinumakin doman noparang nonayow kon i Sisera, nongkon tampat monia kon toḷungayá.