MAZMUR 119:9 - Alkitab Singog In Mongondow Masa In Tanaa

⁹ Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 119:9 ပူးပေါင်းရင်းမြစ်များ

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

AYUB 13:26

Sinantú-Mudon in kobiagan inta mopait kon inakó; Sinuḻían-Mu in taḷáku kon dodai in akuoi noguodpa.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 17:4

Akuoi in nogaid kon onu inta pinoki aid-Mu bo diábí pinongin aid inta moraat.

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

AMSAL 1:10

Aka intau binaradosa monongganut kon inimu, adíku, dikabí duduianmu in tongganut monia.

AMSAL 1:4

Intau inta diá kopongalaman in tundúonnea dá mopandoidon morai, bo intau inta moguodpa in mobaḻídon intau mopandoi bo pororainea in nádon onda bo intau inta ain nogurang.

AMSAL 2:11

Komomangaḻe bo kopopandoimu tua in moḷukad kon inimu,

AMSAL 4:1

Uḻe mongoadí mita, indongogaibí in tonggina i amámu! Tondudut intua, dá mobaḻí in iko moarip.

AMSAL 7:7

Bo inontongku nobayong in ede in tayowmobiag; táe sinaridianku totok in intaubí tobatú inta bodok kon sigad monia.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

YOHANES 15:3

Moiko nion in nodarit bidon, sin totundú inta inogoi-Ku kon inimu.

ULANGAN 17:18

Aka intau tobatú dinuídon nobaḻí datu, yo sia in mustibí ogoian in buk tobatú inta pinomaisan kon hukum mita i Allah inta pinais nongkon buk taakan inta sinagú in imang mita Lewi.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.