MAZMUR 119:86 - Alkitab Singog In Mongondow Masa In Tanaa

⁸⁶ Bayongan in hukum-Mu in motaaubí pongata, tuḷungaipa kaasí in akuoi, sin akuoi in dinuduran táe diábí in kinodoyonan pinonduduran.

MAZMUR 119:86 ပူးပေါင်းရင်းမြစ်များ

MAZMUR 109:26

Tuḷungaipa kaasí in akuoi, o Tuhan Allahku, posaḷamatpa in akuoi podudui in tabi-Mu.

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 119:138

Parenta mita inta inogoi-Mu in moadil bo motaau pongata.

MAZMUR 119:142

Kooadil-Mu in umuran mononoi, hukum-Mu in umuranbí mobanar.

MAZMUR 119:151

Táe Iko in nodiug, o Tuhan, bayongan in parenta-Mu in totuu.

MAZMUR 119:78

Biódon mako in intau moḷoḷatú mooyá popisí in noponapudon in uboḷ kon inakó, táe akuoi in umuranbí monano-nanob kon parenta-Mu mita.

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 19:9

Atorang i Tuhan tua in noitombutung, mokosanang kon gina. Hukum i Tuhan tua in modarit, mokopomangaḻe kon intau.

MAZMUR 35:19

Dikabí pomayá mako in akuoi in poyambáan in intau inta nondoí kon inakó takin diá in popisínea. Dika pomayá mako in akuoi in giowan in intau inta nondoí kon inakó takin diá in kinodoyonan.

MAZMUR 35:7

Diábí in mangaḻenea pinotaanan monia kon poyogaḷap kon inakó andeka mongaḻi kon bubú sin podomokan kon inakó.

MAZMUR 38:19

Inakuku in dosaku mita; moḻia-ḻiaw in ginaku in moraimai kon taḷáku.

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

SURAT I PAULUS KON JAMAAT RUM 7:12

Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.