MAZMUR 119:85 - Alkitab Singog In Mongondow Masa In Tanaa

⁸⁵ Intau inta diá dinumudui kon hukum-Mu, nongaḻidon kon bubú sinbá kotopakanku.

MAZMUR 119:85 ပူးပေါင်းရင်းမြစ်များ

MAZMUR 119:78

Biódon mako in intau moḷoḷatú mooyá popisí in noponapudon in uboḷ kon inakó, táe akuoi in umuranbí monano-nanob kon parenta-Mu mita.

MAZMUR 35:7

Diábí in mangaḻenea pinotaanan monia kon poyogaḷap kon inakó andeka mongaḻi kon bubú sin podomokan kon inakó.

MAZMUR 36:11

Igumon mako Iko in umuran motabi kon intau inta nonotaau kon ini-Mu, bo mogaid kon inta mopia kon intau inta motuḻid in gina.

MAZMUR 7:15

Indoiaika, intau moraat monomayá kon inta moraat; sia in monomayá kon inta moraat bo monguboḷ.

AMSAL 16:27

Intau moraat moḷongasi mopobodito kon tumpaḷa intau; tosingogonnea mita moraat ná tuḷú mokopokak.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 18:22

Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.