MAZMUR 119:73 - Alkitab Singog In Mongondow Masa In Tanaa

⁷³ Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

MAZMUR 119:73 ပူးပေါင်းရင်းမြစ်များ

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

AYUB 31:15

Sin ki Allah inta nopobaḻí kon inakó, in nomaḻí doman kon bobantungku mita tatua?

AYUB 32:8

Táe inta nobogoi in pandoi kon intau, in tongábí Roho i Allah Inta Totok in mokawasa.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 111:10

Ki ine in moibog mobijaksana musti mohoromat kon i Tuhan, Sia in nobogoi in pomomangaḻe kon bayongan in intau inta motoḷutui. Dinayo-dayowdon in ki Tuhan dapot in mononoi!

MAZMUR 119:125

Akuoi in mogogundoi-Mu, baḻídon in akuoi momangaḻe, sinbá komangaḻeanku in parenta-Mu.

MAZMUR 119:144

Atorang-Mu in umuran moadil; ogoiai in akuoi in pomomangaḻe sinbá mobiag in akuoi.

MAZMUR 119:169

Igumon mako kuaniku modapot kon ini-Mu, o Tuhan, ogoiaidon in akuoi in pomomangaḻe, podudui in dandi-Mu.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

TIMOTIUS 2 2:7

Raibí kopira onu in pinogumanku tanaa, sin ogoianbí i Tuhan in raian mopandoi in iko sahingga in komangaḻeanmudon in bayongan yagi-yagi.

YAKOBUS 3:18

Soaḷ inta mopia tua bungaibí in bibit dodamean inta inambor in intau inta moibog in dodamean!

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.