MAZMUR 119:61 - Alkitab Singog In Mongondow Masa In Tanaa

⁶¹ Intau moraat motaan kon potait kon inakó, táe akuoi in diábí mokoḻiong kon hukum-Mu.

MAZMUR 119:61 ပူးပေါင်းရင်းမြစ်များ

AYUB 1:17

Diápa in sia nopaḷut nosingog, kon dodai in bobantung intoḷunea namangoi nopotaau, “Toḷu nopaanan in mogogagow intau in Kasdim in nogagowdon kon unta mita i Tuang bo noḻimod kon bobantung mita i Tuang. Tongádon akuoi tontaní in nokoḷagui dá notaaudon namangoi nopotaau intua kon i Tuang.”

MAZMUR 119:16

Atorang-Mu in nokosanang kon inakó; totundú-Mu in diábí koḻionganku.

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

MAZMUR 119:95

Intau moraat in mogoḷat mako sin moḻimod kon inakó, táe akuoi in moibogbí monaridimai kon hukum-Mu.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 3:1

Mazmur i Daud, kon tungkuḷ in sia noḷagui nongkon i Absalom, ki adínea.

AMSAL 24:29

Dika moguman, “Tuḻíankubí in onu inta ain pinopoaidnea kon i nakó!”

HOSEA 6:9

Imang mita kon kotá tatua in naonda bo topaanan in mogogagow inta noḷabot kon intau inta noitaḻib. Kon daḷan inta mopobayá ná kotá inta motusi kon Sikhem yo moḻimodbí doman in mosia! Bayongan in aid moraat tatua in tuodonbí monia aidan.