MAZMUR 119:36 - Alkitab Singog In Mongondow Masa In Tanaa

³⁶ Ogoiaidon in akuoi in ibog dumudui kon atorang-Mu, moiḻiu kon ibog mobaḻí mooyúon.

MAZMUR 119:36 ပူးပေါင်းရင်းမြစ်များ

DATU MITA IMITÁNEA 8:58

Igumon mako in baḻíon-Nea in kita intau mita inta mosatia kon i-Nia sinbá kita in umuran mobiag podudui in ibog-Nea bo motoindudui kon bayongan in hukum bo parenta inta ain inogoi-Nea kon mogoguyang naton.

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

HABAKUK 2:9

Kinutukdon in iko! Iko in mopooyúon in motoḷuadímu pongin kauntungan inta nouḻímu pinodoyon kon aid moḻingá, sinbá baḷoimu tontaní in moodom bo moiḷagui nongkon susa bo bodito.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

EPESUS 5:3

Moiko nion umat i Allah, tuamai in aid mita inta mokotor bo inta diá patus aidan, andeka ibog inta moiḻiu dika aidan kon sigad monimu sinbá diá in dodoyonan intau mita mopotaḷá kon i monimu.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.