MAZMUR 119:175 - Alkitab Singog In Mongondow Masa In Tanaa

¹⁷⁵ Biódon mako akuoi in mobiag, sinbá akuoi in modayow kon ini-Mu, igumon mako atorang-Mu mita motuḷung kon inakó.

MAZMUR 119:175 ပူးပေါင်းရင်းမြစ်များ

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 38:19

Tongábí intau nobiag in modayow kon ini-Mu, ná inta inaidanku singgai in naa. Guyanga in mongonguman kon i adínea kon totuubí kon mosatia totok in Iko, o Tuhan.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

MAZMUR 30:9

Kon ini-Mu, o Tuhan, pokuanianku, kon i Tuhan in poigumanku,

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 119:17

Igumon mako mopia in gina-Mu kon mogogundoi-Mu naa, sinbá akuoi in umuran mobiag bo dumudui kon totundú-Mu.