MAZMUR 119:150 - Alkitab Singog In Mongondow Masa In Tanaa

¹⁵⁰ Intau inta mondudur kon inakó in nodiugdon, niat monia in moraat bo diábí nopandungmai kon hukum-Mu.

MAZMUR 119:150 ပူးပေါင်းရင်းမြစ်များ

SAMUEL 2 17:16

Guman i Husai, “Koḷamemet! Potaaudon kon i Daud sinbá diádon in sia mogogai mosiug kon ḷoḷoḷanan in ongkag kon padang gurun. Mustibí in sia ḻimikat in mayá ḷumoḷan kon Ongkag in Yordan. Aka diá, yo sia takin tontaranea mita in rimumudon.”

AYUB 21:14

Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YESAYA 59:14

Hukum inta moadil in pinosídon, bo inta moadil in pinoyayúdon. Aid motuḻid in diádon pinandungmai kon tampat mita poyoyodungkuḷan, bo gina motuḻid in diádon pinandungmai.

SAMUEL 1 23:16

Ki Yonatan in minayá nokipodungkuḷ kon inia kon tua sin mogin rigon kon pirisayanea kon sia in ḷukadanbí i Allah.