MAZMUR 119:145 - Alkitab Singog In Mongondow Masa In Tanaa

¹⁴⁵ Takin ḻimbatú in gina akuoi mokuani kon ini-Mu; tubagaipa kaasí in akuoi o Tuhan, akuoi in moibog dumudui kon parenta-Mu.

MAZMUR 119:145 ပူးပေါင်းရင်းမြစ်များ

MAZMUR 102:1

Sambayang in intau nororiga inta noḻemédon in mogamui kon i Tuhan.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

MAZMUR 119:44

Akuoi in moibog kumadai kon hukum-Mu, modapot in mononoi.

MAZMUR 119:58

Takin ḻimbatú in gina akuoi mopoigum in totabi-Mu, kotabipa kaasí in akuoi podudui in dandi-Mu.

MAZMUR 119:8

Akuoi in moibogbí dumudui kon hukum-Mu, dikabí kaasí mokoimontanmai in monaḷámai kon inakó.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 86:4

Tuhan, poḷungangadon in gina in mogogundoi-Mu, sin ginaku in popotayowku kon ini-Mu.

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.