MAZMUR 119:136 - Alkitab Singog In Mongondow Masa In Tanaa

¹³⁶ Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 119:136 ပူးပေါင်းရင်းမြစ်များ

EZRA 10:1

Koyogot in ki Ezra nosambayang koomba-ombaḷ bo nongaku kon dosa kon tayowon in Baḷoi Tuhan, nobayong totok in intau in Israel in namangoi noyosipun, pinomayá ḷoḷaki andeka bobay bo adí mita. Mosia in iḻimibu kon inia poḷat doman nongombaḷ inimibo-ibogbí.

MAZMUR 119:158

Moyaatbí in ginaku in mokoontong kon momomaḻidawan mita tatua, sin mosia tua in diábí dinumudui kon totundú-Mu.

MAZMUR 119:53

Akuoi in sinumorúdon totok kon intau moraat, sin mosia in nonaḷámai kon hukum-Mu.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.