MAZMUR 119:118 - Alkitab Singog In Mongondow Masa In Tanaa

¹¹⁸ Iko in doíbí kon intau inta sinumabat kon atorang-Mu, diábí in mangaḻe in tombuḻitok monia.

MAZMUR 119:118 ပူးပေါင်းရင်းမြစ်များ

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

MAZMUR 119:29

Poyayúdon in akuoi nongkon daḷan inta mokopoḷaḻe, popisí in kopopia-Mu, yo tundú kon inakó in hukum-Mu.

MAZMUR 78:57

Mosia in nonoḻikud ná muna monik monia, bo diá motaau pirisayaan naonda bo puḷu in piot inta nobelung.

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

AMSAL 12:20

Intau inta monomayá kon inta moraat in moibogbí in aid diá moadil; intau inta moḷongasi kon inta mopia in mosanangbí.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

YESAYA 63:3

“Tongá Aku-Akuoi mita in sinumuot kon pomomugutan kon anggur kon sigad in umat-Ku diá in notuḷung kon i-Nakó. Bangusa mita irita-ritakan-Ku kon bonu in torú-Ku, naonda bo noritak kon bungai in anggur. Dugú monia in noitoput nomuntad kon ḷambung-Ku, nokokotor kon bayongan in pakeang-Ku.

MALEAKHI 4:3

Kon singgai tatua Akuoi mopobayá in oaidan-Ku, bo moiko in monaḷowbí kon intau mita moraat, dá mosia in naondadon bo ḷobud mita inta irita-ritakan mako monimu.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

EPESUS 4:22

Manangka intua taḷaaidon in aid monimu koḻipod inta dinumudui kon kobobiag koyongan inta ain pinoguyaat in bayongan ibog mokobaradosa.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

YOHANES 1 2:21

Pinaisku in naa kon i monimu deemanbí lantaran moiko diápa nonotaau kon totundú inta nobanar, táe lantaranbí kinotaauandon monimu in totundú tatua bo kinotaauandon monimu kon diábí in uboḷ kon totundú inta nobanar tatua.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”