MAZMUR 119:10 - Alkitab Singog In Mongondow Masa In Tanaa

¹⁰ Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:10 ပူးပေါင်းရင်းမြစ်များ

TAWARIKH 2 15:15

Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

MAZMUR 119:118

Iko in doíbí kon intau inta sinumabat kon atorang-Mu, diábí in mangaḻe in tombuḻitok monia.

MAZMUR 119:133

Irigonaidon in ḷampangku podudui in dandi-Mu, dikabí pomayá mako kaasí in akuoi in kawasaan in moraat.

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:58

Takin ḻimbatú in gina akuoi mopoigum in totabi-Mu, kotabipa kaasí in akuoi podudui in dandi-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 23:3

Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

MAZMUR 78:37

Mosia in diábí motoindudui kon i-Nia bo diá kinumadai kon dodandian-Nea.

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

KOLOSE 3:22

Utat mita inta nobaḻí ata! Kon bayongan in rupa-rupa duduiaibí onu in pokiaid i tuangmu kon dunia naa. Deemanbí dumudui aka koontonganpa mako monia sinbá dayowon in moiko. Táe duduiaibí in mosia takin gina motuḻid lantaran horomatmu kon i Tuhan.

YOHANES 1 2:15

Dikabí motabi kon dunia naa, ande onu in kon bonunea naa. Aka moiko motabi kon dunia naa yo diábí in moiko motabi kon i Amá.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”