MAZMUR 118:27 - Alkitab Singog In Mongondow Masa In Tanaa

²⁷ Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

MAZMUR 118:27 ပူးပေါင်းရင်းမြစ်များ

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

TAWARIKH 1 29:21

Kon singgai noiduduimai mosia in noratá kon bobiagon sin posumba mobaḻí kuruban kon i Tuhan, bo sinilai kon bayongan in rayat. Koḻikud intua 1.000 in sapi koḷakian, 1.000 in domba koḷakian bo 1.000 in domba batánea inta iratá bo sinubá sibatu kon tudu in mezbah. Mosia in noposumba doman in anggur inta ain sinantú kon kuruban mita tatua.

ESTER 8:16

Intau in Yahudi nokorasa kon noiḻipoidon bo nosanang, moḷunganga bo moḷoben in gina.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 37:6

Poniata-Neabí in kototoinduduimu naonda bo bayag, bo kototuḻid in ginamu naonda bo singgai.

IḶUAIAN 27:2

Kon sikunea mita kon ḻimonik musti pomiaan kon tungoi mita inta poyotobatúon in mezbah. Musti komintan oḻitan in porunggu.

IḶUAIAN 38:2

Kon siku-sikunea opat kon ḻimonik pinomiaan kon tungoi inta ain sinobatú takin mezbah tatua. Tua komintan inoḻitan in porunggu.

YESAYA 60:1

Sindogdon bo kobaḻídon bayag, ei Yerusalem, sin bayag in kasaḷamatanmu in noiangoidon; Ki Allah in monimbayagbí kon inimu takin kamuliaan-Nea.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.