MAZMUR 117:2 - Alkitab Singog In Mongondow Masa In Tanaa

² Sin moḷobenbí in tabi Tuhan kon inaton kososatia-Nea in umuranbí mononoi. Dayowdon in ki Tuhan!

MAZMUR 117:2 ပူးပေါင်းရင်းမြစ်များ

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 146:6

Siabí inta ain nomaḻí kon ḷangit bo butá, dagat bo bayongan in tombonunea; Sia in umuranbí mosatia modapot in mononoi.

MAZMUR 85:10

Totuu, Sia in moibogbí moposaḷamat kon intau inta modagin kon i-Nia, ki Allah inta moḷantud in mogutunbí kon butá naton.

MAZMUR 89:1

Dondong topotundú i Etan, intau in Ezrahi.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 1 5:6

Ki Yesus Kristus tuata inta namangoi kon dunia takin tubig inta pinobaptisan kon i-Nia bo takin doman dugú in kinopatoian-Nea. Sia in namangoi deemanbí tongá takin tubig, táe takinbí tubig bo dugú. Bo Roho i Allah tontaní nobogoi in kosakusian kon totuubí intua, sin Roho in diábí kon dodai in onda in monguboḷ.