MAZMUR 116:17 - Alkitab Singog In Mongondow Masa In Tanaa

¹⁷ Akuoi in modiadon kon kuruban sukur kon ini-Mu, sindaḷan mopoyaput in sambayang kon ini-Mu.

MAZMUR 116:17 ပူးပေါင်းရင်းမြစ်များ

MAZMUR 107:22

Biódon mako in mosia mopoyaput in sukur poḷat modia kon sosumba, bo mopotaa-taau mako in aid-Nea pongin dondong pia in gina.

MAZMUR 116:13

Akuoi in modiabí kon sosumba anggur kon i Tuhan sin mopoyaput in sukur popisí in totuḷung-Nea.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

IMAMAT 7:12

Aka kuruban tatua pinosumba takin makusud mopoyaput in sukur, dá poyotakinon in mahaḷuk tatua pokuruban in roti diá iragian. Roti tatua motaaubí inta mobunod nongkon topong pomiaan kukis takin ḷana in zaitun, motaaubí doman in roti noingkag monipit inta iḻepoan in ḷana, ande kukis topong inta pinomia pinoyotakin in ḷana zaitun.

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:6

Kon tampat tatuata in podiaan monimu kon kuruban payongon takin kuruban mita ibanea, sosumba mopuḷú noporosenmu takin sosumba mita ibanea, kuruban poguboḻi kon dandimu, kuruban ibogmu tontaní bo adí in sapi bo bembé dombamu inta muna pinogadí.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.