MAZMUR 116:16 - Alkitab Singog In Mongondow Masa In Tanaa

¹⁶ Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

MAZMUR 116:16 ပူးပေါင်းရင်းမြစ်များ

TAWARIKH 1 17:19

Podudui kon ibog-Mu tontaní, bo kopontinganku Iko in nogaidon kon bayongan oaidan moḷoben tanaa takin diá binuni-buni.

MAZMUR 119:125

Akuoi in mogogundoi-Mu, baḻídon in akuoi momangaḻe, sinbá komangaḻeanku in parenta-Mu.

MAZMUR 143:12

Podoyon kon tabi-Mu yompatdon in bayongan musungku, yopúdon in bayongan inta monondorot kon inakó, sin akuoi in mogogundoi-Mu.

MAZMUR 86:16

Taridiaipa kaasí bo kotabipa in akuoi, iropotaidon bo posaḷamatpa in akuoi, sin naonda bo ki ináku, akuoi in nosumba doman kon ini-Mu.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.